- O grupo coñeceu distintas obras nas que se trata, de forma máis ou menos central, a diversidade sexual
- A mostra está exposta na biblioteca municipal de Ribeira
Este martes, 2 de xullo, varios amicos e amicas achegáronse á biblioteca municipal de Ribeira acompañados polas técnicas de desenvolvemento María Fernández e Andrea Freire. Durante a saída visitaron a exposición bibliográfica LGTBI sobre diversidade sexual exposta no edificio con motivo do Día Internacional do Orgullo LGBTI.
Durante a mañá puideron coñecer algunhas das publicacións máis destacadas da exposición sobre este tema. A mostra está presidida pola obra do teólogo e antropólogo Xosé Chao Rego ‘A condición homosexual’, e está composta por distintas publicacións nas que se visibilizan outras voces e formas de entender a sexualidade a través de personaxes ou testemuños do colectivo.
Así, da man de María, o grupo descubriu a sinopse das distintas obras expostas. Tanto foi así, que algúns deles engadiron algúns á súa listaxe de lecturas.
Para máis información:
981 865 716
658 753 047
