AMICOS ALÍASE CON DÚAS ENTIDADES ITALIANAS PARA O SEU NOVO PROXECTO FORMATIVO: “MUSE”

• O proxecto enmárcase no programa Erasmus+ a través do SEPIE e conta coa colaboración de dúas entidades de Roma e de Nápoles.
• Formarase a 15 persoas de Galicia cun programa gratuíto que servirá de introdución á musicaterapia.
• Vai dirixido a mozas e mozos músicos desempregados, persoal de atención socio-sanitaria en desemprego, terapeutas – logopedas, psicoterapeutas, pedagogas…
• Desenvolverase ata agosto do 2026.

 

Formarase en liña e de xeito gratuito a 15 persoas en Galicia, entre eles mozas e mozos músicos desempregados, personal de atención socio-sanitaria en desemprego, terapeutas – logopedas, psicoterapeutas, pedagogas… que demostrarán as habilidades aprendidas nun evento aberto ás empresas empregadoras. E que “Muse” tamén busca sensibilizar ás empresas na oportunidade para a mellora dos seus servizos e a atencion á dependencia coa incorporación de quen recibe esta información.

Entre as accions que levaremos a cabo está o deseño do programa formativo que sirva de introdución á terapia musical para desenvolver habilidades que melloren e favorezan a comunicación integral con persoas con dificultades na comunicación verbal (discapacidade intelectual, accidentes cerebro-vasculares,…). Así, busca demostrar que grazas a esta formación favorecerase a empregabilidade das persoas que busquen desenvolver a súa actividade profesional en calquera dos ámbitos (atención socio-sanitaria, terapias – psicoloxía, psicopedagoxía, psicoloxía, logopedia…- , xardíns de infancia, residencias …). E como parte da aproximación á metodoloxía involucra a expresión musical, polo que pode resultar de interese ás persoas con formación musical que teñan interese en explorar outras vías profesionais.