- A andaina contou coa participación de máis de 600 persoas, que se deron cita o venres 1 de maio en Castrelo
- Por segundo ano consecutivo, a Asociación de Mulleres Rurais de Catrelo ‘As Saíñas’ volveu confiar en Amicos para doar o recadado nesta iniciativa
En Amicos non nos imaxinamos unha mellor maneira de pasar o 1 de maio que participando na andaina solidaria organizada pola Asociación de Mulleres Rurais de Catrelo ‘As Saíñas’. Unha idea compartida por centos de persoas, en vista do éxito que resultou tamén a edición organizada este ano.
O pasado venres, máis de 600 persoas déronse cita ás 5 da tarde no campo de fútbol Beiramar, que foi o punto de saída para esta andaina circular de nove quilómetros. E entre elas, non podían faltar moitos dos membros do equipo e da familia de Amicos, que nos achegamos para desfrutar da compañía e da paisaxe dun encontro que cada ano reúne a máis xente.
Esta décima edición contou cunha madriña do máis especial, a creadora de contido galega Paula Currás. Asemade, en total a organización recadou máis de 1.600 euros, que así como o ano pasado, decidiron doar á nosa entidade.
Mil grazas ás Mulleres Rurais de Castrelo ‘As Saíñas’ por pensar de novo en nós e por apoiarnos un ano máis a través dunha iniciativa tan marabillosa.
NOVAS EN MEDIOS
Para máis información:
981 865 716
658 753 047
