O alumnado do CEEPR de Oleiros desfrutamos este luns, 14 de outubro, dunha xornada do máis bucólica na Granxa Escola Bergando, situada en Negreira. Alí pasámolo en grande participando en distintas actividades como hípica, tiro con arco ou obradoiros de traballos manuais. Pero o momento máis esperado foi sen dúbida a visita aos habitantes da granxa: unha chea de animaliños do máis encantadores.

Un ano máis, e por terceiro consecutivo, en Amicos colaboramos coa asociación San Xerome Emiliani da Guarda no seu proxecto de intercambio, que neste 2024 leva como título ‘ExpresArte’.

O paseo da praia de Barraña de Boiro acolle desde a mañá deste xoves, 10 de outubro, a exposición informativa do proxecto AMIRÍOS. Os viandantes que paseen pola zona poderán desfrutar da mostra ata o domingo 13, na que poderán descubrir cuestións como en que consiste a iniciativa, a biodiversidade que habita nos ríos galegos,  ou as ameazas ás que se enfronta este tipo de ben natural.

Dúas representantes do fondo Alliance for Gender Equality in Europe, agrupación centrada no avance da igualdade de xénero e os dereitos das mulleres en Europa, viaxaron ata Ribeira para coñecer en persoa a Fundación Amicos. Con este obxectivo, Nadège Lharaig e Maria Cipriani, da área de Proxectos da agrupación, acudiron este xoves, 26 de setembro, ao noso CEEPR.