“Jóvenes Inserta2” é un programa destinado á mellora da ocupación e a inserción laboral de persoas novas inscritas no sistema de garantía xuvenil; a través de itinerarios personalizados, orientados á obtención dunha formación acreditada, vencellada ás necesidades sociais e do mercado laboral.
O proxecto céntrase na mocidade rural, caracterizada pola falta de oportunidades de emprego e infraestrutura de formación. Para reverter esta situación e fortalecer a conexión entre o mercado
laboral e a poboación máis nova, presentamos un proxecto de integración, acompañamento e incorporación ao mercado laboral, adaptado ás necesidades socioeconómicas do territorio e das persoas participantes.
As principais liñas de traballo basearanse no coñecemento das necesidades do mercado de traballo, orientación e formación en competencias técnicas e transversais, desenvolvemento de habilidades e coñecementos adquiridos mediante prácticas non laborais e intermediación laboral.
O proxecto ten unha duración de 5 anos, con 30 participantes por anualidade, dos que o 30% serán persoas con discapacidade e o 55% mulleres. Ao remate do proxecto o 30% dos participantes deberán acadar un emprego.