CT200A L1 PROGRAMA PATIOS DINÁMICOS INCLUSIVOS (BADABOOM)

Se falar de accesibilidade é falar de igualdade de oportunidades, un centro accesible debe contemplar as necesidades –comúns e específicas derivadas da diversidade. E iso inclúe os recreos, tanto o espazo no que se desenvolve coma as dinámicas que permiten interactuar e desfrutar aos menores durante este tempo de esparexemento a través do xogo.

O xogo é un instrumento indispensable de cara ao desenvolvemento cognitivo, sensorial e motriz dos nenos e nenas, permitindo ademais que adquiran autonomía, creatividade e valores en xeral que lles axuda a desenrolar a súa personalidade e habilidades sociais. No xogo aprenden a interactuar con outros nenos e nenas, asimilan regras e valores positivos como a cooperación e o consenso, adquiren habilidades para a resolución de conflitos, controlan as súas propias emocións e, en xeral, aprenden a ser persoas máis cívicas. 

É por isto que as necesidades físicas, psíquicas, cognitivas, sociais, culturais, raciais… non poden ser factores de exclusión á hora de realizar calquera tipo de xogo.

DURACIÓN DO PROGRAMA: Xaneiro-decembro de 2026.