CT200A L1 INTEGRACIÓN, PREVENCIÓN, DETECCIÓN E COMBATE DOS DISCURSOS DE ODIO

Nunha sociedade cada vez máis plural e diversa, detectar e desactivar os discursos de odio é primordial para evitar futuros conatos de violencia civil e o acirramento e persecución de colectivos completos, vítimas do prexuízo, a incomprensión e das actitudes antisociais. 

Este proceso de prevención e detección cobra especial importancia entre as persoas en idade xuvenil, pois se ben non adoitan ser as vítimas primeiras destes discursos e delitos, si son as principais perpetradoras dos mesmos. Esa dualidade do colectivo xuvenil como vítima e agresor é especialmente perigosa, pois implica unha ausencia de conciencia sobre os propios actos e as consecuencias dos mesmos.

Para contrarrestar esta situación, Integrados propón unha batería de accións coordinadas con entidades locais, organizacións xuvenís e centros de ensino destinadas á comprensión, prevención e detección de delitos de odio e á xeración de espazos inclusivos de convivencia libres de violencias que contribúan a reforzar os vínculos comunitarios e a integrar, en harmonía, as diversas identidades nun ethos común.

DURACIÓN DO PROGRAMA: Xaneiro-decembro de 2026.