CT200A L2 ECOBRIGADA DE VOLUNTARIOS

O programa “Ecobrigada de Voluntarios” é unha continuidade das iniciativas levadas a cabo en convocatorias anteriores (dende 2021), no marco das subvencións financiadas pola asignación tributaria do 0,7% do IRPF.

As “Ecobrigadas de Voluntarios” pretenden incidir nas comarca do Barbanza, Sar, Noia, Pontevedra, Caldas e O Morrazo, realizando actividades socio-culturais accesibles para todas as persoas e, en especial, ás persoas con discapacidade residentes no medio rural, expostas a un nivel maior de discriminación. Actividades de sensibilización e activismo ambiental nas que as persoas con discapacidade intelectual son parte activa, promovendo a súa integración social como referentes na contorna. 

Trátase dun proxecto colaborativo que emprega a ciencia cidadá en colaboración co sector pesqueiro na procura dun modelo de desenvolvemento inclusivo baseado na conservación do entorno natural e mariño dentro da área de influencia do Parque Nacional Marítimo Terrestre das Illas Atlánticas de Galicia.

DURACIÓN DO PROGRAMA: Xaneiro-decembro de 2026.