Os reporteiros chegaron a Catoira para coñecer as súas lendas vikingas.
A nosa última parada antes de chegar a Santiago é o concello de Rois, onde visitaremos o Pazo do Faramello acompañados por Gonzalo.
O dono do Pazo contounos a historia deste lugar tan fermoso. É moi peculiar, diferénciase de outros porque non ten unha orixe defensiva como podería ter outra quinta.
Foi feito por un marqués italiano que estaba facendo o Camiño de Santiago. Namorouse dunha santiguesa e voltou de Italia construindo unha fábrica de papel neste lugar: A Real Fábrica de Papel Faramello.
O sendeiro que vai paralelo ao río do pazo é o Camiño de Santiago da Ruta Traslatio Xacobea, por onde pasou o corpo do Apóstolo.
Gonzalo recomendoumenos as casas de pedra na Aldea de Angueira, e subir ao Castro Lupario.
Segundo conta a lenda, esta era a residencia da mítica Raíña Lupa.
O entorno natural de toda esta zona pareceunos máxico.
Xa que estabamos en Rois, decidimos pasar pola casa dun antigo amigo: Camilo.
El controunos o seu traballo como escultor, gústalle traballar diferentes temas e con varios materiais.
Madeira, pedra, resina, aluminio, coiro, sempre está mesturando materiais moi diferentes.
Camilo recordou algunha anécdota cando ía tocar foliadas xunto a Marcelino.
El vive nun lugar moi especial. O seu taller é unha antiga torre medieval por onde se viaxaba o Camiño, polo que a ruta de Santigo orixinal pasaba pola súa finca.
Como xa levabamos moito camiñando, dormimos na súa casa.
A verdade e que Rois sorprendeunos polas súas paisaxes, natureza, lendas, historias e maxia, moita maxia.