Os reporteiros chegaron a Catoira para coñecer as súas lendas vikingas.
Como bos peregrinos, realizamos a pé a última etapa do Camiño ata a Praza do Obradoiro, onde nos agardaba unha sorpresa moi especial.
Foi unha alegría ver que nos recibían o noso querido profesor de teatro Federico Rey e os nosos compañeiros Javier e Adriana. Esta estapa e esta experiencia tan marabillosa chegaba ao seu fin.
Carolina tiña un sorriso de orella a orella, sentíase moi contenta e orgullosa de haber completado o camiño. Non sabería con que momento quedarse porque lle gustou todo.
Na cara de Marcelino tamén se notaba a súa alegría, ademais que viviu esta experiencia acompañado de Carolina, unha compañeira fantástica. El quedaríase co trato con todas as personas. O lugar que máis lle gustou foi o Pazo Faramello e como non a casa do seu amigo Camilo, ese recontro despois de cinco anos non o cambiaría por nada.
Despois de contarlle as súas aventuras a Federico, os tres dispuxéronse a disfrutar da Cidade de Pedra e os seus encantos.
O Camiño chegou ao seu fin, saíndo de aquí como aventureiros, reporteiros, xornalistas e actores. Todo é posible con ganas. A discapacidade mostrou unha vez máis que pode ser un motor de cambio.
Cumprimos O NOSO CAMIÑO INCLUSIVO!
Aquí vos deixamos a nosa mediatraxe que con tanto cariño fixemos. Esperamos que vos guste!