- A nova formación reforzou os coñecementos dos activistas medioambientais para seguir promovendo os Obxectivos de Desenvolvemento Sostible en centros educativos, campamentos e entidades.
- Comprométete cos ODS continúa impulsando a formación das persoas con discapacidade como axentes de cambio para construír comunidades máis sostibles e inclusivas.
A formación continua é unha peza fundamental para seguir xerando un impacto positivo na sociedade. Por iso, os nosos activistas medioambientais participaron nunha nova sesión formativa sobre os Obxectivos de Desenvolvemento Sostible (ODS), unha iniciativa enmarcada no proxecto Comprométete cos ODS, impulsado por Amicos e desenvolvido no marco do VI Plan Social ENCE Pontevedra 2026.
Durante a xornada afondaron nos retos que recolle a Axenda 2030 e adquiriron novas ferramentas e recursos que lles permitirán reforzar as actividades de sensibilización que desenvolven habitualmente en centros educativos, campamentos, entidades e outros espazos sociais.
Estas accións formativas teñen como dobre obxectivo mellorar as competencias dos nosos activistas e seguir promovendo unha participación social cada vez máis activa, na que as persoas con discapacidade desempeñan un papel protagonista como axentes de cambio e referentes na promoción de hábitos máis sostibles.
A través de Comprométete cos ODS, Amicos continúa impulsando iniciativas que favorecen a autonomía, a formación e a igualdade de oportunidades das persoas con discapacidade, ao tempo que contribúen á construción de comunidades máis inclusivas, comprometidas co medio ambiente e cos valores da Axenda 2030.
Porque avanzar cara a un futuro máis sostible tamén significa contar con todas as persoas. E en Amicos defendemos a idea de que a inclusión é unha das mellores ferramentas para conseguilo.
Para máis información:
981 865 716
658 753 047
